|
|
|
|
November...
die laaste maand van BARS voor Desember se saligheid. So kom ons spring net kop eerste in en swem
dat dit klap!
God
is so goed en daar is plekke waar Sy naam HOOG geëer word die maand!
J
Heel
eerste, ons insig die maand mag jou dalk net effe laat regop
sit.
Die
media het haar nou wraggies uitmekaar getrek soos hulle haar woorde verdraai
het. So hier's 'n stukkie waarheid,
komplimente Gretha Wiid:
Gretha:
"Jou
gedagtes – Positiwiteit of negatiwiteit word baie keer bepaal deur die mense wat
ons onsself mee omring. Mense het die
vermoë om ons op te sweep, goed te laat voel of ons gedagtes heeltemal anders te
swaai. Die Here vra van ons almal om ons
gedagtes eerste op Sy woord te rig, dit was rein, edel en opreg is. Ek het gehoor van 'n joernalis wat by van
hierdie Amerikaanse Indiane uitgekom het, en hy vra vir die hoofman van hierdie
een stam hoe hy sy lewe sou beskryf. Die
hoofman antwoord hom toe: "My lewe vir is vir my soos twee wolwe wat konstant
met mekaar baklei." Toe die joernalis
hom vra hoe hy weet watter wolf die geveg sou wen, antwoord die hoofman; "Dis
maklik, die een wat ek die meeste kos voer."
Dit was vir my belangrik om te besef dat as mens die positiewe,
Goddelike, hoopvolle gedagtes in ons lewens voer, dan gaan ons later die vrees,
wanhoop en die moedeloosheid in ons lewens daarmee verswelg. Ek wil jou uitdaag met die woord. God sê "walk by faith and not by sight". As jy vandag moedeloos voel, kies om jouself
te omring met mense wat vir jou hoop bring.
Kies om in God se woord te wees en weet daar waar Hy is, is daar altyd 'n
tweede kans. Saam met Spreuke 4:23 sê ek wees versigtig vir die dinge in jou
gedagtes, want dit bepaal jou hele lewe.
Kies nou om anders te dink."
Die
Worthy Woman konferensie 09 wat soveel mense se hare laat regop staan het omdat
Gretha glo sê vrouens is mans se "onderdane" is wraggies op DVD beskikbaar. Vir almal wat haar persoonlik afgeskryf het
omdat hulle haar geoordeel het op wat die media kwytgeraak het, hier is jou
kans! Kry die DVD, dan bewys jy jouself
of vir haar verkeerd en jy hoef NOOIT weer te wonder of jy dalk net effe te
maklik beïnvloed was en geoordeel het soos wat jyself nooit geoordeel wil word
nie, ne? En vir die7000 dames wat wel
daar was (en die bykans nog 5000 wat nie kon inkom nie), is dit sekerlik net
goeie nuus om te hoor die DVD is nou uiteindelik oral beskikbaar. J
En
as jy nou die uitdaging aanvaar het, en dit vir jouself uitgepluis het dat sy OK
is, dan kan jy met 'n vreugde een van die volgende praatjies
bywoon:
1)
14
Nov – Eva se lyf, 9h00 die oggend by
Doxa Noord teen R100 p.p.
2)
21
Nov – Uitdagings van die Saamgestelde gesin en geskeides (geen kinders asb),
weer 9h00 die oggend by Lynnwoodrif NG kerk – R80 p.p
Alle
kaartjies by www.itickets.co.za
Dan
ons KOMPETISIE!
|
|
Mense
wou my OMTREND kruisig toe ek laat weet ek het die aand van die 8ste Oktober toe
die Luidkeels band en produksiespan die eerste "viewing" van die Retief
Burger - Luidkeels Oorgegee DVD
doen,
my kopie laat teken nie net deur Retief nie, maar ook deur die hele band en Joe
Niemand, wat die producer was! Hoe is
dit vir 'n versamelaars item! Ek het net
in my mou gelag, want ek het eintlik 5 van hulle laat teken en julle nie gesê
nie. So daar is 5 van hierdie DVD's in
die land, en 1 van die 5 is dan nou net hier in hierdie einste nuusbrief te
wenne! Ek het ook een vir Impact Radio
gegee (ek werk daar jy sien), en nog een vir Psalted, 'n SABC 2 program wat ek hier onder van
vertel. Een is myne natuurlik en julle
moet maar self sien waar die laaste een uitpop!
LOL O ja, die kompetisie... Stuur jou motivering na janine@visionpromotions.co.za as
jy DAAI DVD wil wen! Ps,
wenners van die Third Day CD kompetisie is: Bertus
Esterhuysen, David van der Walt, Anneke Crots, Willie Krause en Stef du
Raan. Julle CD's is op pad na julle toe met 'n
spoed! Al die ander honderde het darem
almal 'n Nuwe Visie CD gekry ne? |
NUUS
Raai
wie open vir ThirdDay
die 6de Nov. hier in Pretoria? Retief
Burger, Louis Brittz en Krisstel is saam op met een band as een set! Dit gaan STUNNING wees, om nie eers te praat
van een van die beste rock bands in chr. musiek geskiedenis nie. As jy nie weet wie Third Day is nie, kan ek
hulle vir jou beskryf as die Christelike ekwivalent van U2. Nie in hoe hulle klink nie, maar in hulle
status in chr. musiek sirkels. Hulle
maak al van 1991 af puik rock musiek, en hulle het nog nooit gesing asof hulle
al die antwoorde het nie. Om die
waarheid te sê, hulle nuutste album, Revelation, is juis een wat weer vrae vra,
en berus by Sy alwetendheid. Julle moet
daar wees hoor. Kaartjies by
itickets.co.za natuurlik.
Dan
'n GROOOTTE:
|
|
Volgende
jaar hou Jericho hulle 10 000 jaarse vieringe (ja ja, kom ons redeneer nie
hieroor nie!) – een van die oudste stede in die wêreld. As deel daarvan word daar volgende jaar 'n
Israel
Gospel Gala 2010
gereel
waar 'n HOOP van ons SA kunstenaars soontoe gaan vir 'n gospel konsert die 6de
Okt in Jerusalem, en 'n aanbiddingsaand die 8ste Oktober in die Woestyn by Ein
Gedi. Hulle beplan om die meeste Suid
Afrikaners OOIT op een slag daar te kry aanbid.
Baie van die kunstenaars gaan toere lei (dis nou volledige toere deur
Israel), en dan kom al die toere bymekaar vir daardie twee aande in
Jerusalem. Kunstenaars betrokke by die
projek is Danie Botha, Retief Burger, Julius Magan, Ronel Erasmus, Bobby van
Jaarsveld, Trevor Sampson, Rina Hugo o.a.
en predikers vir die twee aande is Angus Buchan vir die 6de, en
Dr Isak Burger vir die aanbiddingsaand die 8ste. Dit gaan verby ongelooflik wees. Die hele storie word gekoördineer deur
Stargate International, so vir nou kan jy op www.stargateinternational.co.za
gaan loer solank, of jy kan hulle bel op (011) 918 7612 as jy wil saamgaan, of
dalk selfs 'n toerleier wil wees. |
Alle
kunstenaars wat dien in jou plaaslike gemeente, hier is 'n naam om baie gou te
leer ken. Nancy
Beach
is
'n internasionale spreker, en iemand wat die kunste promoveer met baie praktiese
onderrig en inspirasie vir elkeen wat die dienste met hulle talente verryk elke
Sondag. Sy hou Green Room sessies met
die punt om kunstenaars te laat netwerk, en hulle saam te laat aanbid en
groei.
Daar
word 3 sulke Green Room Events gehou in November.
18
Nov – The Grace Community Church, Durban
19
Nov, Donderdag, in Kaapstad
21
Nov, New Life Church, JHB
Dit
vind plaas van 9h00 – 15h00 en kos lyk my verskillende pryse vir verskillende
groepe mense.
Gaan
kry maar jou volledige inligting self by www.willowcreeksa.co.za
Dan
weet ek nie of jy weet nie, maar daar is 'n HOOP nuwe Christelike flieks wat die
Kinnies sowel as die video rakke tref deesdae.
Een
van hulle word gratis by Nu Metro
vertoon op Sondae van 30 Okt – 12 Nov!
Die
fliek is The
Adventures of Toby
('n
inspirerende fliek met die stem van James Alexander wat mos in Houtkruis die
musical gespeel het), en voor jy dink ek mislei jou oor die opbouende binnegoed,
gaan kyk self waaroor dit gaan by www.adventuresoftoby.com voor jy gou
jou naaste Nu Metro kantoor bel vir jou gratis kaartjies J Lekker om dinge te weet
ne?
|
|
Dan
vir al die Christene met 'n hart vir mense binne en veral buite die kerk. En ook vir mense wat wil weet hoe hulle
invloed kan kry op 'n gratis, maar erg effektiewe manier, kom woon 'n bietjie
TegnoRelevansie
by. Dit vind plaas by NG Onderstepoort
(PTA Noord), 18h30 die 26ste November.
Dit gaan oor die potensiaal van die internet via forums soos Facebook,
Twitter ens. wat saam ongekende potensiaal het.
Dit is ook waar ons die gevare aanspreek, want jy moet oop oë in díe
bedieningsveld inloop. Die aand is
gratis, maar jy moet registreer, en daarvoor kontak jy Lenel van Niekerk by lenel@mbana.co.za of jy bel haar op 084 398
2747. |
Dan vir al die Kaapse Joyce Meyer volgelinge, sy is by His People N1 City 15 November 2009 @ 5pm. Hillsong is die gasheer. Dis gratis en navrae kan aan info@hillsong.co.za gerig word
Dan
is daar 'n lekker nuwe jong Christelike aktualiteitsprogram op SABC 2 op Sondae
8h30 (vir die wat nie by die kerk of op pad soontoe is nie). Sy naam is Psalted
(gesout!). Ek is erg jaloers dat ek nie
'n aanbieder is nie, want daai twee gaan enigiets doen van lugballon ry en
ysskaats tot nuwe BMW's uittoets terwyl hulle met interessante mense praat wat
stories het wat baie inspirerend gaan wees om te hoor. Om nie van puik kontemporêre musiek videos,
plaaslike videos, live videos en selfs klassieke (soos in legendes) videos te
praat nie... dis eintlik 'n musiek program jy sien. So as jy indut die oggend, onthou om in te
skakel OK? Ons hoor mos TV lisensies
gaan dalk waai, so maak hom tel terwyl jy mos klaar betaal
het!
Ooeee,
wil julle 'n bietjie lekker nuus vir volgende jaar al hoor??? Ek weet nie wie van julle die band Korn ken
nie? Dis 'n sekulêre HARDE MUSIEK band
met erg vulgêre woorde wat wêreldwyd een van die grootste bands was op 'n
stadium. Wel hulle een kitaarspeler se
naam was Brian
Welsch
(Head,
soos hulle hom genoem het). Hy het sy
dogtertjie hulle "liedjies" hoor sing, en dit het hom so geskok, dat hy 'n hoop
dwelms gevat het en kerk toe is. Dit het
hom nie aangestaan nie, toe is hy erg hoog alleen na sy hotelkamer toe, en daar
het hy vir Jesus gesê as Hy bestaan, sal hy wat Brian is hom dien. Hy het 24 uur later daar uitgekom, skoon van
dwelms en sy lewe is 180 grade omgekeer.
Hy het die band verlaat, en sy doop is op Internasionale TV gedek. Dit het alles in 2005 gebeur en daardie man
is vandag radikaal vir God. Hy kom SA
toe in Februarie. So begin solank
jouself voorberei op 'n ongelooflike storie.
Ek sal julle op datum hou met die reelings, maar jy kan solank weet, dit
gaan in Pretoria gebeur J
Riana Nel bied sulke ekstra spesiale aande aan by Madisons Café in Atterbury
Str. Pretoria Oos. Sy maak die hele aand
verstand wegblaas liedjies gebasseer op woorde wat die geboekde gehoor vir haar
deur die aand uitdink. Dit is oor
hierdie spesifieke talent van haar (en haar ongelooflike stem) dat een van die
grootste platemaatskappye in Amerika haar 'n kontrak aangebied het. Sy het nee gesê en nou het ons haar hier
(JIPPEE!!), en jy kan nie net by die aand instap nie. Jy boek jou plek deur Madisons self te bel
(en boek vroeg dis altyd uitverkoop).
Hulle nommer is: 012 348 9071 en dit kos R70pp sonder die kos
natuurlik!
Vir die wat enigsins binne n radius van 200km van Pretoria is, kom doen
jou deel vir die Beeld Kinderfonds asb. Al die volgende Afrikaanse
kunstenaars neem verniet aan die Kinderfonds konsert die 25ste November
deel. Kurt Darren, Bobby van Jaarsveld,
Kevin Leo, Retief Burger, Caricke Keuzenkamp ens.. Dit vind plaas van 19:00
- 22:00 by die Moreleta Woodlands Ouditorium, Garstfontein weg,
Pretoria
en kaartjies soos vir enige christelike event is by www.itickets.co.za
Bobby van Jaarsveld tree op in Witbank op die 21ste November 2009. Dis by die Heritage of Faith Gemeenskapskerk
(7 Duiker straat Reyno Ridge), en Chris Knoetze is die kontakpersoon daar op 082
610 5085 as jy jou R60 kaartjie in die hande wil kry. Sy e-mail is corpus.dubelle@telkomsa.net net
vir ingeval J
Die
Lephalale
Gospel Fees
word
Lephalale 4 Jesus genoem en gebeur by die Lephalale Mogul Club Sportsgronde van
18h00 – 22h30 op die 27ste November.
Kaartjies kos R20 om kostes te dek.
Die vermaak sluit in Piet Smit, Luidkidz, Tiro en Liezel Goosen met
Franna Benade as MC. Eleen Botha het al
jou antwoorde op 083 586 1366 en vir die geskrewe vrae, is eleen@wbothagroup.co.za die oplossing J
En laastens: Vir die reisigers wat op soek is na iets unieks, hoekom
gaan jy nie Drakensberg Seunskoor se Festive Celebration Fees toe van 4 – 6 Desember nie. Dis te midde prag natuurskoon en jy kan
natuurlik uitmuntende Kersmusiek en stalletjies te wagte wees. Gaan lees meer by www.dbchoir.co.za of skakel vir Ilse
Schürmann by 082 851 7157
En
dis dan nou dit vir die maand! Ps. Ek
het twee maande gelede vergeet om te sê happy bday onsself! Want Vision Promotions was September al 2
jaar oud! Kan dit nie glo nie maar dis
waar. Ons was so besig ons het ons eie
verjaarsdag vergeet! So daar het jy dit
nou!
Ps.
Aangesien ons soort van nog verjaar kan ons sekerlik weer vir mense ons Nuwe
Visie CD present gee ne? As jy nog nie
van ons af so 'n CD ontvang het nie (dis nou die een met al die gospel
kunstenaars op wat ons verteenwoordig), dan kan jy my net laat weet en ek stuur
hom sommer dadelik vir jou aan. Ek wil
vreeslik graag jou horisonne met 'n kilometers verbreed J
So
tot ons Desember mekaar in trane sterkte toewens vir die vakansie vreugde, kom
ons staan net tot dan...
Hier's
my twitter quote vir die maand komplimente Darlene Zschech: "A cynical world needs to see humble people with absolute confidence in
God. Obedience, not ego, is the source of true confidence!" So kom ons gee die wêreld rede om te wonder wat ons
weet...
He 'n lieflike maand
Janine
